வட்டவலையில் மண்சரிவு; போக்குவரத்து பாதிப்பு

ரஞ்சித் ராஜபக்ஷ

ஹட்டன் - கொழும்பு பிரதான வீதி, வட்டவலை பகுதியில்,  இன்று (15)  மாலை ஏற்பட்ட மண்சரிவு காரணமாக, அவ்வீதி வழியானப் போக்குவரத்து, முற்றுமுழுதாகத் தடைப்பட்டுள்ளது.

இதன் காரணமாக, ஹட்டன்-  கொழும்பு, ஹட்டன் - கண்டி, நாலவப்பிட்டி- கினிகத்தேன பகுதிகளுக்கான போக்குவரத்து முற்றாகத் தடைப்பட்டுள்ளதாகவும், எனவே, ஹட்டன் பகுதிக்கு வருகைத்தருவோர், தியகல வழியாக நோட்டன் பிரிட்ஜ் பாதையையும்  கலுகல, லக்ஷபான நோட்டன் பிரிட்ஜ் வழியைப்  பயன்படுத்துமாறும் பொலிஸார் அறிவுறுத்தியுள்ளனர்.