விலைகளை குறைத்தால் விலைகளை குறைப்போம்

பேக்கரி உற்பத்தி பொருட்களின் விலைகளை குறைத்தால், பாண் விலையை இன்னும் குறைத்து, நுகர்வோருக்கு விற்பனை செய்ய முடியுமென தெரிவித்த ஹட்டன் பேக்கரிகளின் உரிமையாளர்கள்,  ஒரு கிலோகிராம் கேக்கின் விலை 100 ரூபாவினால் குறைக்கப்பட்டுள்ளது என்றனர். 

கோதுமை மாவின் விலை குறைக்கப்பட்டதை அடுத்து, பாணின் விலை 10 ரூபாவினால் குறைக்கப்பட்டுள்ளது.  ஏனைய பேக்கரி உற்பத்திகளும் 10 ரூபாவினால் குறைக்கப்பட்டுள்ளது. பேக்கரி உற்பத்திகளின் விலைகள் ஓரளவுக்கு குறைக்கப்பட்டாலும், நுகர்வோரிடமிருந்து கூடுதலான வரவேற்பு இல்லை என்றனர்.

ஒரு கிலோகிராம் கோதுமை மாவின் விலை 15 ரூபாவினால் குறைக்கப்பட்டாலும், பேக்கரி உற்பத்தி பொருட்களுக்கான ஏனைய மூலப் பொருட்களின் விலை, கடுமையாக அதிகரித்துள்ளது.

முட்டை விலையும் அதிகரித்துள்ளது. ஆகையால் பாண் ஒன்றை தயாரிப்பதற்கான தயாரிப்பு செலவும் அதிகரித்துள்ளது என்றும் பேக்கரி உரிமையாளர்கள் தெரிவித்தனர்.