கடற்கரைக்கு வரும் காதல் ஜோடிகளிடம் கப்பம் பெற்ற பொலிஸ் கான்ஸ்டபிள் கைது

பாணந்துறை, நல்லுருவ கடற்கரைக்கு வருகை தரும் காதல் ஜோடிகளிடம் கப்பம் பெற்றதாகக் கூறப்படும் பொலிஸ் கான்ஸ்டபிள் ஒருவரை பாணந்துறை பொலிஸார் கைது செய்துள்ளனர்.

வாழைத்தோட்டம் பொலிஸில் கடமையாற்றும் மேற்படி பொலிஸ் கான்ஸ்டபிள், நீதிமன்ற அதிகாரியொருவரின் உத்தியோகபூர்வ இல்லத்தில் பாதுகாப்பு கடமையில் ஈடுபட்டு வருபவர் என விசாரணைகளிலிருந்து தெரியவந்துள்ளது.

மேற்படி நபர் தொடர்பான மேலதிக விசாரணைகளை மேற்கொண்டு வரும் பொலிஸார், விசாரணைகளின் பின்னர் அவரை நீதிமன்றத்தில் ஆஜர்ப்படுத்த நடவடிக்கை எடுத்துள்ளனர்.