மத்துகம விபத்தில் பெண் பலி: 11 பேர் படுகாயம்

மதுகம- மீகஹதென்ன கல்முல்ல பிரதேசத்தில் இன்று (16) காலை இடம்பெற்ற விபத்தில் பெண்ணொருவர் மரணமடைந்துள்ளார். 11 பேர் காயமடைந்து வைத்தியசாலையில் அனுமதிக்கப்பட்டுள்ளனர் என மீகஹதென்ன பொலிஸார் தெரிவித்தனர்.

 தன்னுடைய மகனை வெளிநாட்டுக்கு அனுப்பிவைத்துவிட்டு கட்டுநாயக்க சர்வதேச விமான நிலையத்தில் இருந்து இன்று (16) காலை 5 மணியளவில்  உறவினர்களுடன் திரும்பிக்கொண்டிருந்த போதே, சாரதிக்கு ஏற்பட்ட நித்திரை கலக்கத்தால், வீதியை விட்டு விலகி, வான் விபத்துக்கு உள்ளாகியுள்ளது.

அதில் சிலர், மேலதிக சிகிச்சைகளுக்காக களுத்துறை வைத்தியசாலைக்கு மாற்றப்பட்டுள்ளனர்.