ரயிலில் மோதி ஒருவர் பலி

ரயிலில் மோதி நபர் ஒருவர் நேற்று  உயிரிழந்துள்ளதாக, கொச்சிக்கடைப் பொலிஸார் தெரிவித்தனர்.

தலுவகொட்டுவவிலிருந்து கொழும்புக்கு நோக்கிச் சென்ற  ரயிலில் மோதியே, குறித்த நபர் பலியாகியுள்ளார்.

சம்பவத்தில் உயிரிழந்தவர், தலுவகொட்டுவ, கொச்சிக்கடை பிரதேசத்தைச் சேர்ந்த  65 வயதையுடைய ஜயசூரிய ஆரச்சிகே பெடின் வெலின்டன் பெரேரா என விசாரணையின் போது தெரியவந்துள்ளது.

குறித்த சம்பவம் தொடர்பில் கொச்சிக்கடைப் பொலிஸார், மேலதிக விசாரணையை மேற்கொண்டு வருகின்றனர்.