வடமாகாணத்தில் 2 இலட்சத்து 30 ஆயிரம் ஏக்கர் நிலப்பரப்பில் பயிர்ச் செய்கை

(கவிசுகி)

யுத்தத்தின் பின்னரான காலப்பகுதியில் வடமாகாணத்தில் 2 இலட்சத்து 30 ஆயிரம் ஏக்கர் நிலப்பரப்பில் பயிர்ச் செய்கை மேற்கொள்ளப்பட்டுள்ளதாக வடமாகாண ஆளுநர் ஜி.ஏ.சந்திரசிறி தெரிவித்துள்ளார்.

இந்நிலையில், புதிதாக விவசாய நடவடிக்கைகளில் ஈடுபடுபவர்களுக்கு உரமானியங்கள் வழங்கப்படுவதாகவும் அவர் கூறினார்.

பெரும்போக நெற்செய்கை காலப்பகுதியில் 3 இலட்சத்து 84 ஆயிரம் விதைநெல் விவசாயிகளுக்கு பகிர்ந்தளிக்கப்பட்டதாகவும் இதன்போது அவர் சுட்டிக்காட்டினார்.

அடுத்த வருடம் 3 இலட்சத்து 4 ஆயிரம் கிலோ நெல் விளைச்சலை எதிர்பார்க்கமுடியுமென வடமாகாண ஆளுநர் ஜீ.ஏ.சந்திரசிறி மேலும் தெரிவித்துள்ளார்.