யாழ். குடாநாட்டு திருட்டு சம்பவம் தொடர்பில் 9 பேர் கைது

(கவிசுகி)

யாழ். குடாநாட்டில் அண்மைக்காலமாக இடம்பெற்று வரும்  திருட்டுச் சம்பவங்களுடன் தொடர்புடையதாகக் கருதப்படும் திருடர்கள் 9 பேரை கோப்பாய் பொலிஸார் நேற்று நள்ளிரவு கைதுசெய்துள்ளனர்.

கைதுசெய்யப்பட்டவர்களிடமிருந்து 110 பவுணுக்கு அதிகமான தங்க ஆபரணங்கள் மீட்கப்பட்டதாகவும் கோப்பாய் பொலிஸார் தெரிவித்தனர்.

இவர்கள் அனைவரும் இன்று வியாழக்கிழமை காலை யாழ். நீதவான் நீதிமன்றத்தில் ஆஜர்படுத்தப்படவுள்ளதாக கோப்பாய் பொலிஸ் உயர் அதிகாரி சமந்த தெரிவித்தார்.