1 இலட்சம் பீடிக்கட்டுகள் அழிப்பு

-என்.ராஜ், எஸ்.நிதர்ஷன், செந்தூரன் பிரதீபன்

இந்தியாவில் இருந்து, சட்டவிரோதமாகக் கொண்டுவரப்பட்ட 1 இலட்சத்து 32 ஆயிரம் பீடிக்கட்டுகள், மதுவரி உதவி ஆணையாளரின் பணிப்புரைக்கிணங்க, மதுவரித் திணைக்களத்தினரால், யாழ்ப்பாணம் - கோம்பயன்மணல்

மயானத்தில், இன்று (15) காலை எரித்தழிக்கப்பட்டன.

ஜூன் 26ஆம் திகதியன்று, இந்தியாவிலிருந்து சட்டவிரோதமாகக் கொண்டுவரப்பட்ட சுமார் 1 இலட்சத்து 32 ஆயிரம் பீடிக்கட்டுகள், வடமராட்சி கிழக்கு – மணற்காட்டுப் பகுதியில் வைத்து, மதுவரித் திணைக்களத்தினரால் கைப்பற்றப்பட்டன.

இதன்போது, சந்தேகத்தின் பேரில் இருவர் கைதுசெய்யப்பட்டு, 2 இலட்சம் ரூபாய் அபராதத்துடன் விடுதலை செய்யப்பட்டனர்.

இவ்வாறு கைப்பற்றப்பட்ட பீடிக்கட்டுகள், நேற்றைய தினம், யாழ்ப்பாணம் மாவட்ட மதுவரித் திணைக்களத்தின் பொறுப்பதிகாரி பி.ரகுநாதன், மதுவரி அத்தியட்சகர் கிருபாகரன் ஆகியோர் முன்னிலையில், கோம்பயன்மணல் மயானத்தில் வைத்து, மண்ணெண்ணை ஊற்றி, எரித்து அழிக்கப்பட்டன.