20 இந்திய மீனவர்கள் கைது

-எஸ்.நிதர்ஷன், டி.விஜிதா

இலங்கை கடற்பரப்புக்குள் அத்துமீறி மீன்பிடி நடவடிக்கையில் ஈடுபட்ட 20 இந்திய மீனவர்களை இலங்கை கடற்படையினர் இன்று (02) கைது செய்துள்ளனர்.

இந்தியாவின் நாகை மாவட்டத்தைச் சேர்ந்த மீனவர்கள் இருபது பேர் இரண்டு இழுவை படகுகளில் நேற்று இரவு பருத்தித்துறை கடற்பரப்புக்குள் அத்துமீறி நுழைத்து மீன் பிடி நடவடிக்கையில் ஈடுபட்டிருந்த போது இவர்களை இலங்கை கடற்படையினர் கைது செய்துள்ளனர்.

கைது செய்த மீனவர்களை தற்போது காங்கேசன்துறை கடற்படை முகாமில் தடுத்து வைக்கப்பட்டு கடற்படையினர் விசாரணை மேற்கொண்டு வரு‌கி‌ன்றன‌ர்.

விசாரணையின் பின்னர் மீனவர்களை யாழ்பாணம் கடற்றொழில் நீரியல் வளத்திணைக்கள அதிகாரிகளிடம் ஒப்படைக்கப்படுவார்கள்.