நல்லூர் பிரதேச செயலகம் புதிய இடத்துக்கு மாற்றம்

(கண்ணன்)

நல்லூர் பிரதேச செயலகத்துக்கென அமைக்கப்பட்ட புதிய கட்டடத் திறப்பு விழாவும் ஊருணி நூல் வெளியீட்டுவிழாவும் எதிர்வரும் 7 ஆம் திகதி ஞாயிற்றுக்கிழமை காலை 9 மணிக்கு பருத்தித்துறை வீதி நல்லூரில் இடம்பெறவுள்ளன.

நல்லூர் பிரதேச செயலர் பா. செந்தில்நந்தனன் தலைமையில் நடைபெறவுள்ள இந்நிகழ்வில் முதன்மை விருந்தினர்களாக பொது நிர்வாக உள்நாட்டலுவல்கள் அமைச்சர் டபிள்யூ. டி. ஜோன் செனவிரட்ண, சிறுகைத்தொழில் அமைச்சர் டக்ளஸ் தேவானந்தா ஆகியோரும் யாழ். அரச அதிபர் திருமதி இமெல்டா சுகுமார், யாழ். மாநகரசபை மேயர் திருமதி யோகேஸ்வரி பற்குணராஜா, நாடாளுமன்ற உறுப்பினர் சில்வெஸ்திரி அலன்ரின் ஆகியோர் சிறப்பு விருந்தினர்களாகவும் கலந்து கொள்வர்.

நூல் வெளியீட்டுரையை யாழ். பல்கலைக்கழகத் தமிழ்த் துறைத் தலைவர் பேராசிரியர் சி. சிவலிங்கராஜா நிகழ்த்த, மதிப்பீட்டுரையை கோப்பாய் ஆசிரியர் பயிற்சிக் கலாசாலை விரிவுரையாளர் கலாநிதி செ. திருநாவுக்கரசு நிகழ்த்துவார்.