நைனாதீவில் நடமாடும் சேவை

(தாஸ்)

மனித உரிமை ஆணைக்குழுவின் கீழுள்ள உள்ளக இடம்பெயர்ந்தோர் செயற்திட்டத்தின் கீழ் நைனாதீவில் நடமாடும் சேவையொன்று இன்று நடத்தப்படவுள்ளது.

இந்த சேவையில் இப்பகுதியில் கடமையாற்றுகின்ற தொண்டு நிறுவனங்கள், சேவை வழங்கும் நிறுவனங்கள் தொடர்பான அறிமுகங்களும், கடமைகள் தொடர்பாகவும், மக்களின் பிரச்சினைகள் தொடர்பாகவும் ஆராயப்பட்டு இனங்காணப்படவுள்ளன.

நைனாதீவு அமுத சுரபி மண்டபத்தில் காலை 10 மணிமுதல் 2 மணிவரை நடைபெறவுள்ள இந்நிகழ்விற்கு மனிதஉரிமைகள் ஆணைக்குழு, சட்ட உதவி ஆணைக்குழு, பிரதேச செயலக அதிகாரிகள், உள்ளுர் ஆட்சி அதிகாரிகள், வலயக்கல்வி அதிகாரிகள், பொலிஸ் கடற்படை அதிகாரிகள், சகாதார வைத்திய அதிகாரிகள் கலந்துகொள்ளவுள்ளனர்.