யாழ். கடலில் 'டொல்பின்' மீன்கள்

(கவிசுகி)

யாழ். குடாநாட்டுக் கடற்பகுதிகளில், 'டொல்பின்' மீன்கள் கரையொதுங்கும் சம்பவங்கள் தற்போது அதிகரித்துள்ளன. நேற்று வியாழக்கிழமை ஊர்காவற்றுறை, சுருவிலில் ஆழம் குறைந்த கடல் ஏரிப் பகுதியில் இரண்டு டொல் பின் மீன்கள் கரையொதுங்கியுள்ளன.

இதில் ஒன்று உயிரிழந்த நிலையிலும் மற்றையது குற்றுயிராகவும் மீட்கப்பட்டுள்ளன. அப்பகுதி கடற்றொழிலாளர்கள் கடற்றொழிலுக்குச் சென்ற வேளையிலேயே இந்த டொல்பின் மீன்கள் அவர்களுடைய வலைகளில் மாட்டிக்கொண்டதாகத் தெரிவிக்கப்பட்டது. மீட்கப்பட்ட அந்த மீன்கள் ஊர்காவற்றுறைப் பொலிஸாரால் பொறுப்பேற்கப்பட்டதாக மீனவர்கள் தெரிவித்துள்ளனர்.