பருத்தித்துறையில் டொல்பின் மீன் வெட்டிய சந்தேக நபர்கள் கைது

(கர்ணன்)

பருத்தித்துறை, கற்கோலகத்தில் டொல்பின் மீனை வெட்டிய ஐந்து பேரை பொலிஸார் கைது செய்துள்ளனர். இவ்வாறு கைது செய்யப்பட்டவர்கள் நிதிமன்றத்தில் ஆஜர்ப்படுத்தப்பட்டதை அடுத்து அவர்கள் பிணையில் விடுவிக்கப்பட்டுள்ளனர்.

இன்று காலை டொல்பின் மீனைப் பிடித்து வெட்டிக்கொண்டிருந்த சந்தெக நபர்கள் தொடர்பில் பொலிஸாருக்கு கிடைக்கப்பெற்ற இரகசிய தகவலுக்கமைய இவர்கள் கைது செய்யப்பட்டதாகத் தெரிவிக்கப்படுகின்றது.

இந்நிலையில் இவர்கள் பருத்தித்துறை நீதவான் ஜோய் மகில மகாதேவன் முன்னிலையில் ஆஜர் செய்யப்பட்டதை அடுத்து அவர்களை விடுதலை செய்யுமாறு நீதிவான் உத்தவிட்டுள்ளார்.

இந்த வழக்கு தொடர்பான மீள் விசாரணை எதிர்வரும் 31ஆம் திகதி நடைபெறவுள்ளதுடன் வெட்டப்பட்டதாகக் கூறப்படும் டொல்பின் மீனை பரிசோதனைக்கு உட்படுத்த உத்தரவிடப்பட்டுள்ளமை குறிப்பிடத்தக்கது.