வடபகுதியில் இரு நாள்களாக மழை; குடாநாட்டு சந்தைகளில் மரக்கறிகள் விலை உயர்வு

(ஹேமந்த்)

வடபகுதியில் மீண்டும் இரு நாட்களாக தொடர்ந்து பெய்து வரும் மழை காரணமாக, மரக்கறிப் பயிர்ச்செய்கை பாதிக்கப்பட்டுள்ளது.
இதனால், யாழ். குடாநாட்டுச் சந்தைகளில் மரக்கறிகளின் விலை அதிகரித்துள்ளது.

அத்துடன், மழை காரணமாக  மக்களின் இயல்பு வாழ்க்கை பாதிப்படைந்துள்ளதாகவும் தெரிவிக்கப்படுகிறது.

இதேவேளை, வன்னியில் பெய்து வரும் மழையக்ல் மறுபடியும் வெள்ள அபாயம் தோன்றியுள்ளதுடன்,  குளங்களும் திறந்து விடப்பட்டுள்ளன. தாழ்நிலப் பகுதிகளில் வசிக்கும் மக்கள் தமது வீடுகளிலிருந்து வெளியேறி பாடசாலைகளிலும் பொதுஇடங்களிலும் தங்கியுள்ளனர்.

பரந்தன், ஆனைவிழுந்தான், மருதநகர், தருமபுரம், உமையாள்புரம், பொன்னகர், மலையாளபுரம் போன்ற இடங்களிலுள்ள மக்களே கடுமையான பாதிப்பைச் சந்தித்துள்ளனர்.