மீசாலையில் இளம் குடும்பஸ்தரின் சடலம் மீட்பு

(கிரிசன், கவிசுகி, தாஸ்)

மீசாலை, சிற்றம்பலம் வீதியிலிருந்து இளம் குடும்பஸ்தர் ஒருவரின் சடலம் இன்று புதன்கிழமை பிற்பகல் மீட்கப்பட்டுள்ளது.

மீசாலைப் பகுதியை சேர்ந்த  28 வயதுடைய மகேந்திரன் செல்வம் என்பவரது சடலமே இது என அவரது தந்தை அடையாளம் காட்டியுள்ளார்.

குறித்த நபர் கடந்த 3 நாட்களுக்கு முன்னர் வீட்டிலிருந்து இருவரினால் அழைத்துச் செல்லப்பட்டிருந்ததாக தெரிவிக்கப்படுகிறது.

இந்நிலையில், இன்று பிற்பகல் இவர் தனியார் காணியொன்றிலிருந்து சூட்டுக் காயத்துடன் சடலமாக மீட்கப்பட்டுள்ளார்.  

இது தொடர்பில் சாவகச்சேரி பொலிஸார் விசாரணைகளை மேற்கொண்டு வருகின்றனர்.