யாழ். தேசிய தைப்பொங்கல் விழாவில் பிரதம விருந்தினராக ஜனாதிபதி

(கவிசுகி)

யாழ்ப்பாணத்தில் நடைபெறவுள்ள தேசிய தைப்பொங்கல் விழாவிற்கு பிரதம விருந்தினராக ஜனாதிபதி மஹிந்த ராஜபக்ஷ கலந்துகொள்வாரென்று எதிர்பார்க்கப்படுவதாக வடமாகாண ஆளுநர் ஜி.ஏ.சந்திரசிறி தெரிவித்துள்ளார்

யாழ்ப்பாணத்தில் இம்முறை தைப்பொங்கல் விழாவை வெகு விமர்சையாக கொண்டாடுவதற்கான நடவடிக்கைகள் எடுக்கப்பட்டு வருவதாகவும் அவர் கூறினார்.  

யாழ். மத்திய கல்லூரி மைதானத்தில்  தேசிய பொங்கல் விழா கொண்டாடப்படவுள்ளதுடன்,  அன்றையதினம் தமிழ் பாரம்பரியத்தைப் பறைசாற்றும் கலை, கலாசார நிகழ்வுகளும் மற்றும் தென்னிந்திய முன்னணி இசை கலைஞர்களின் இசை நிகழ்ச்சிகளும் நடைபெறவுள்ளதாகவும் வடமாகாண ஆளுநர் குறிப்பிட்டார்.