வல்வெட்டித்துறை கடற்கரையில் ஆணின் சடலம் மீட்பு; இந்திய மீனவரது சடலமாக இருக்கலாமென சந்தேகம்

(கவிசுகி)

யாழ். வல்வெட்டித்துறை கடற்கரையில் கரையொதுங்கிய ஆணொருவரின் சடலம் வல்வெட்டித்துறை பொலிஸாரினால் மீட்கப்பட்டுள்ளது.

குறித்த சடலம் நேற்று சனிக்கிழமை மாலை கரையொதுங்கியதாக வல்வெட்டித்துறை மீனவர்கள் பொலிஸாருக்கு தகவல் வழங்கினர். இதனையடுத்தே குறித்த சடலம் வல்வெட்டித்துறை பொலிஸாரால் மீட்கப்பட்டுள்ளது.

குறித்த சடலம் இந்திய மீனவரது சடலமாக இருக்கலாமென்று சந்தேகிக்கப்படுபவதுடன், அவரது இடது கையில் கு. குப்புசாமி குமார் பச்சை குத்திய அடையாளங்கள் காணப்படுவதாகவும் தெரிவிக்கப்படுகிறது.

இவரது சடலம் வல்வெட்டித்துறை ஆதார வைத்தியசாலையில் வைக்கப்பட்டுள்ளது.

25 வயதுக்கும் 30 வயதுக்கும் இடைப்பட்டவராக சடலமாக மீட்கப்பட்டவர்  இருக்கலாமென வைத்தியசாலை வட்டாரங்கள் தெரிவித்தன.