பிரதான கட்சிகள் இன்று யாழில் வேட்புமனுத் தாக்கல்

(கவிசுகி)

யாழ். மாவட்ட உள்ளூராட்சிமன்றத் தேர்தலுக்கான வேட்புமனுவை மக்கள் விடுதலை முன்னணியும் ஐக்கிய தேசியக் கட்சியும்  ஐக்கிய சோசலிசக் கட்சியும் தற்போது தாக்கல் செய்துள்ளன.  

மக்கள் விடுதலை முன்னணி சார்பில் முன்னாள் நாடாளுமன்ற உறுப்பினர் இராமலிங்கம் சந்திரசேகரம் முதலாவது வேட்புமனுவை தாக்கல் செய்துள்ளார். ஐக்கிய தேசியக் கட்சி சார்பில் திருமதி விஜயகலா மகேஸ்வரனும்  ஐக்கிய சோசலிசக் கட்சி சார்பில் அதன் தலைவர் ஸ்ரீதுங்க ஜயசூரியவும் வேட்புமனுவை தாக்கல் செய்துள்ளனர்.

ஐக்கிய மக்கள் சுதந்திரக் கூட்டமைப்பு சார்பாக ஈ.பி.டி.பி.யின் யாழ். மாவட்ட அமைப்பாளர் கமலேந்திரனும் தமிழ்த் தேசியக் கூட்டமைப்பு சார்பாக நாடாளுமன்ற உறுப்பினர்களான மாவை சேனாதிராசாவும் எம்.ஏ.சுமந்திரனும் வேட்புமனுத் தாக்கல் செய்துள்ளனர்.