அச்சுவேலியில் தோட்டக் கிணற்றுக்குள் விழுந்து வயோதிபர் மரணம்

(கவிசுகி)

யாழ். அச்சுவேலிப் பகுதியில் உள்ள தோட்டக் கிணற்றுக்குள் தவறி விழுந்து வயோதிபர் ஒருவர் மரணமடைந்துள்ளார்.  இச் சம்பவமானது நேற்று வெள்ளிக்கிழமை மாலை இடம்பெற்றுள்ளது.

அச்சுவேலி தெற்கு விக்னேஸ்வரா வீதியைச் சேர்ந்த சின்னத்தம்பி கணேசமூர்த்தி (வயது-62) என்பவரே மரணமடைந்தவராவார்.

இவரது சடலம் யாழ். அச்சுவேலி வைத்தியசாலையில் பிரேத பரிசோதனைக்காக வைக்கப்பட்டுள்ளது. அச்சுவேலிப் பொலிஸார் விசாரணைகளை மேற்கொண்டு வருகின்றனர்.