ஆசிய அபிவிருத்தி வங்கி மற்றும் சீன உதவித்திட்டம் மூலம் யாழ். மாவட்ட வீதிகள் புனரமைப்பு

(கவிசுகி)

ஆசிய அபிவிருத்தி வங்கி மற்றும் சீன உதவித்திட்டம் என்பவற்றின் கீழ் வடமாகாண வீதி அபிவிருத்தி அதிகாரசபை, வீதி அபிவிருத்தித் திணைக்களம் என்பவற்றின் ஊடாக 37 வீதிகள் புனரமைப்புச் செய்யப்படவுள்ளதாக யாழ். மாவட்ட அரச அதிபர் திருமதி இமெல்டா சுகுமார் தெரிவித்துள்ளார்.

திருமதி இமெல்டா சுகுமார் இது குறித்து மேலும் தெரிவித்தபோது...

'வீதிகளைப் புனரமைக்கும் செயற்றிட்டத்தினால் ஆசிய அபிவிருத்தி வங்கி, சீன உதவித்திட்டம் என்பவற்றின் கீழ் ஒதுக்கீடு செய்யப்பட்ட நிதிமூலம் வடமாகாண வீதி அபிவிருத்தி அதிகாரசபையினூடாக 14 வீதிகள் புனரமைக்கப்படவுள்ளன. பரந்தன், கரைச்சி - முல்லைத்தீவு வீதி, முல்லைத்தீவு - புளியங்குளம் வீதி என்பன உட்பட 14 வீதிகளும் சேர்ந்ததாக சுமார் 547.52 கிலோமீற்றர் நீளமான வீதிகளே இவ்வாறு புனரமைப்புச் செய்யப்படவுள்ளன' என்று குறிப்பிட்டார்.