யாழ். கோட்டை முனீஸ்வரர் கோயில் வளாகத்தில் அசைவ உணவு சமைக்கும் சுற்றுலாப் பயணிகள்

(கவிசுகி)

யாழ். கோட்டை முனீஸ்வரர் கோயில் வளாகத்திற்குள் தென்பகுதி சுற்றுலாப் பயணிகள் அசைவ உணவுகளை சமைத்து வருகின்றனர். இவர்களால் கோயிலின் புனிதத் தன்மையைக் கெடுக்கப்படுவதாக யாழ். கோட்டை முனீஸ்வரர் கோயில் நிர்வாகத்தினர் தெரிவித்துள்ளனர்.

தென்பகுதி சுற்றிலாப் பயணிகள் அதிகளவில் யாழுக்கு விஜயம் மேற்கொண்டு வருகின்றனர். அவர்கள் தங்கியிருப்பதற்கு பொது இடங்களைப் பயன்படுத்துவதோடு வீதிகளின் ஓரங்களில் இளைப்பறுகின்றனர்.

அத்தோடு கோயில் வளாகங்களுக்குள் தங்கி தங்களது அன்றாடக் கடமைகளைச் செய்து வருவதுடன் கோயிலின் புனிதத்தன்மையை அறியாமல் செயற்படுவதாக கோயில் நிர்வாகத்தினர் மேலும் தெரிவித்துள்ளனர்.