யாழ். மாநகர அபிவிருத்திக்கான கிராம மட்ட கலந்தாய்வரங்கு

(கவிசுகி)

யாழ். மாநகர அபிவிருத்திக்கான கிராம மட்டக் கலந்தாய்வரங்கு இன்று திங்கட்கிழமை ஜெ - 61 கிராம அலுவலர் அலுவலகத்தில் நடைபெற்றது. இந்நிகழ்விற்கு மாநகர முதல்வர் திருமதி யோகேஸ்வரி பற்குணராசா பிரதம விருந்தினராக கலந்துகொண்டார்.

இந்த நிகழ்வில் மாநகர முதல்வர் உரை நிகழ்த்துகையில், கிராமிய மட்டங்களிலிருந்து அபிவிருத்தி பற்றி சிந்திக்க வேண்டும் எனவும் மக்களின் அபிவிருத்தியில் யாழ்.மாநகர சபை தொடர்ந்தும் அர்பணிப்புடன் சேவையாற்றும் எனவும் குறிப்பிட்டுள்ளார்.

இந்நிகழ்விற்கு மாநகர சபை உறுப்பினர்கள் அப்பகுதி கிராம மக்கள், மாநகர சபை உத்தியோகஸ்தர்கள், அப்பகுதி கிராம சேவகர், மாதர் அபிவிருத்தி சங்க உறுப்பினர்கள், ஜெசாக் தன்னார்வ தொண்டு நிறுவன பிரதிநிதிகள் எனப்பலர் கலந்து கொண்டனர்.