மலக்கழிவுகளால் கொடிய தொற்றுநோய் பரவும் அபாயத்தில் கோப்பாய் மயானம்

(கவிசுகி)

யாழ். கோப்பாய் மயானத்தில் மலக்கழிவுகள் மற்றும் உணவகங்களின் கழிவுப் பொருட்கள் கொட்டப்பட்டு வருவதால் அங்கு தேங்கியுள்ள நீருடாக தொற்றுநோய் பரவக்கூடிய அபாய நிலை ஏற்பட்டுள்ளதாக அப்பகுதி குடியிருப்பாளர்கள் தெரிவித்துள்ளனர்.

இதன் காரணமாக அப்பகுதியில் நெருப்புக்காய்ச்சல், வாந்திபேதி போன்றவை பரவும் அபாயம் உள்ளது என அப்பகுதி மக்கள் குறிப்பிடுகின்றனர்

இந்தப்பகுதியில் நாளாந்தம் பல கொள்கலன் ஊர்திகளில் கொண்டுவரப்பட்டு கழிவுப்பொருட்கள் கொட்டப்படுகின்றன.

'சுகாதாரத்துறை உணவகங்களில் கழிவுகளையும் உடைவுகளையும் பார்க்கிறதே தவிர மக்களுக்கு ஏற்படப்போகும் அபாயத்தை அறியவில்லை' என்று அப்பகுதி மக்கள் பலர் விசனம் தெரிவிக்கின்றனர்.