மானிப்பாயில் துப்பாக்கி ரவைகள் மீட்பு

(கவிசுகி)

யாழ். மானிப்பாய் சுதுமலைப் பகுதியிலுள்ள வீடொன்றிலிருந்து துப்பாக்கி ரவைகள் சில இன்று செவ்வாய்க்கிழமை பகல் ஒரு மணியளவில் மீட்கப்பட்டுள்ளதாக மானிப்பாய் பொலிஸார் தெரிவித்துள்ளனர்.

ரி – 56 ரக துப்பாக்கிக்கு பயன்படுத்தும் ரவைகளே மீட்கப்பட்டுள்ளதாகவும் பொலிஸார் கூறியுள்ளனர்.  

இது தொடர்பில் விசாரணை  மேற்கொள்ளப்பட்டு வருவதாகவும் மானிப்பாய் பொலிஸார் குறிப்பிட்டுள்ளனர்

குறித்த பகுதியில் பொலிஸார் குவிக்கப்பட்டு தேடுதல் மேற்கொள்ளப்பட்டு வருவதாகவும் உடனடியாக எதுவும் கூறமுடியாதெனவும் மானிப்பாய் பொலிஸார் தெரிவித்துள்ளனர்.