பண மோசடியில் ஈடுபட்ட நீர்கொழும்பு முகவர் யாழில் கைது

(கவிசுகி)

வெளிநாடுகளுக்கு இளைஞர்களை அனுப்பிவைப்பதாகக் கூறி பண மோசடியில் ஈடுபட்டாரென்ற குற்றச்சாட்டின் பேரில்  நீர்கொழும்பைச் சேர்ந்த ஒருவர் விசேட குற்றப்புலனாய்வுப் பிரிவினரால் இன்று திங்கட்கிழமை யாழ்ப்பாணத்தில் கைதுசெய்யப்பட்டுள்ளார்.

மேற்படி நபர் யாழ். ஊர்காவற்றுறையைச் சேர்ந்த இளைஞரொருவரை கனடாவுக்கு அனுப்பிவைப்பதாகக் கூறி அவரிடம் 3 இலட்சத்து 46 ஆயிரம் ரூபா பணத்தை பெற்றுக்கொண்டு ஏமாற்றியதாக யாழ். பொலிஸார் தெரிவித்தனர்.    

கைதுசெய்யப்பட்ட நபர் யாழ். இளைஞர்களை கனடாவுக்கு அனுப்பிவைக்கும் முகவராக செயற்பட்டு வந்ததாகவும் இவரிடம் விசாரணை மேற்கொள்ளப்பட்டு வருவதாகவும் யாழ். பொலிஸார் கூறினர்.