பிரித்தானிய எம்பி. ஜேம்ஸ் வோட்டனும் மற்றும் குழுவினரும் இன்று யாழ்.விஜயம்

(கவிசுகி)

யாழ்ப்பாணத்தின் அபிவிருத்தி நிலைமகளை ஆராய்வதற்காக பிரித்தானிய நாடாளுமன்ற உறுப்பினர் ஜேம்ஸ் வோட்டன் மற்றும் அவரது குழவினர் இன்று புதன்கிழமை மாலை யாழ்ப்பாணத்திற்கு வருகை தந்துள்ளனர்.

யாழ்.துரையப்பா விளையாட்டு அரங்கிற்கு விசேட வானூர்தியினூடாக வந்து இறங்கிய பிரித்தானிய நாடாளுமன்ற உறுப்பினர் ஜேம்ஸ் வோட்டன் குழுவினரை யாழ்.மாவட்ட செயலளர் திருமதி இமெல்டா சுகுமார் வரவேற்றுள்ளார்.
 
வடமாகாண ஆளுநர் அலுவலகத்தில் பிரித்தானிய நாடாளுமன்ற உறுப்பினர் ஜேம்ஸ் வோட்டன் அவரது குழுவினருடன் வடமாகாண அளுநர் ஜீ.ஏ. சந்திர ஸ்ரீ மற்றும் யாழ்.மாவட்ட செயலளர் ஆகியோர் பேச்சுவார்த்தை நடத்தியுள்ளனர்.

இவர்களது சந்திப்பு தொடர்பாக செய்தி சேகரிக்க சென்ற யாழ்.பிராந்திய ஊடகவியலாளர்கள் ஆளுநர் அலுவலக வாசஸ் தளத்தில் வைத்து திருப்பி அனுப்பப்பட்டனர்.