புதிய சிறைச்சாலைக்கான கட்டிட நிர்மாணப் பணிகள்

(கவிசுகி)

யாழ்ப்பாணத்தில் புதிய சிறைச்சாலைக்கான கட்டிட நிர்மாணப் பணிகள் எதிர்வரும் 20ஆம் திகதி ஆரம்பிக்கப்படவுள்ளதாக யாழ். சிறைச்சாலை அத்தியட்சகர் ஆர்.எம்.செனரத் பண்டார தெரிவித்துள்ளார்.

சுமார் 2,000 கைதிகளைத் தடுத்து வைக்கக்கூடிய வகையில் நவீன வசதிகளை கொண்டதாக இந்த புதிய சிறைச்சாலை அமைக்கப்படவுள்ளதாகவும் இதற்கான அடிக்கல் திரைநீக்கம் ஏற்கெனவே செய்துவைக்கப்பட்டுள்ளதாகவும் அவர் கூறினார்.

2013ஆம் ஆண்டில் இச்சிறைச்சாலைக்கான கட்டிட நிர்மாணப் பணிகள் பூர்த்தி செய்யப்படுமெனவும் யாழ். சிறைச்சாலை அத்தியட்சகர் ஆர்.எம்.செனரத் பண்டார குறிப்பிட்டுள்ளார்.