பெண் கொலை; சந்தேகத்தில் ஒருவர் கைது

Menaka Mookandi / 2013 ஒக்டோபர் 28 , மு.ப. 11:53 - 0 - {{hitsCtrl.values.hits}}

-சுமித்தி தங்கராசா

யாழ். நாச்சிமார் கோவில் தேர் கட்டிடத்திலிருந்து மீட்கப்பட்ட பெண்ணின் சடலம் தொடர்பாக ஒருவர் சந்தேகத்தின் பேரில் கைது செய்யப்பட்டுள்ளார். யாழ். சிறுகுற்றத் தடுப்புப் பொலிஸார் இன்று திங்கட்கிழமை (28) இதனைத் தெரிவித்தனர்.

யாழ். அரியாலையைச் சேர்ந்த மார்க்கண்டு லோகராணி (வயது 45) என்ற பெண் கடந்த வியாழக்கிழமை (17) நாச்சிமார் கோவில் தேர் கட்டிடத்திலிருந்து கொலை செய்யப்பட்ட நிலையில் சடலமாக மீட்கப்பட்டார்.

இந்நிலையில், ஆனைக்கோட்டை பகுதியினைச் சேர்ந்த இளைஞர் ஒருவர் இக்கொலையுடன் சம்பந்தப்பட்டுள்ளார் என்ற சந்தேகத்தின் பேரில் நேற்று ஞாயிற்றுக்கிழமை (27) கைது செய்யப்பட்டுள்ளதாக யாழ். சிறு குற்றத்தடுப்புப் பொலிஸார் இன்று தெரிவித்துள்ளனர்.

பொலிஸ் விசாரணையின் பின்னர் மேற்படி நபரை யாழ். நீதிமன்றில் ஆஜர்ப்படுத்தவுள்ளதாக பொலிஸார் மேலும் தெரிவித்தனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .