சிறுமி துஷ்பிரயோகம்; இளைஞன் கைது

யாழ்ப்பாணம் சிறுப்பிட்டி மேற்குப் பகுதியில் 15 வயதுச் சிறுமியை துஷ்பிரயோகம் செய்த 22 வயது இளைஞனை சனிக்கிழமை(18) கைது செய்ததாக அச்சுவேலி பொலிஸார் தெரிவித்தனர். 

சிறுமி, வீட்டில் தனிமையில் இருந்தபோது, வீட்டுக்குள் அத்துமீறி நுழைந்த அதேயிடத்தைச் சேர்ந்த சந்தேகநபர், சிறுமியை பலவந்தமாக துஷ்பிரயோகம் செய்துள்ளார். 

இது தொடர்பில் சிறுமி, தனது பெற்றோர்களிடம் தெரியப்படுத்தியதையடுத்து, பெற்றோர், பொலிஸ் நிலையத்தில் முறைப்பாடு பதிவு செய்தனர். 

முறைப்பாட்டின் பிரகாரம் விசாரணைகளை மேற்கொண்ட பொலிஸார், சந்தேகநபரைக் கைது செய்ததுடன் மேலதிக விசாரணைகளை முன்னெடுத்துள்ளனர்.