காயங்களுடன் ஆணின் சடலம் மீட்பு

யாழ்ப்பாணம், துன்னாலை மேற்குப் பகுதியிலுள்ள வீதியொன்றில் இருந்து காயங்களுடன் ஆணொருவரின் சடலம், ஞாயிற்றுக்கிழமை (19) மீட்கப்பட்டுள்ளதாக நெல்லியடி பொலிஸார் தெரிவித்தனர்.

அதேயிடத்தைச் சேர்ந்த இராசையா சிவராஜ் (வயது 45) என்பவரே இவ்வாறு சடலமாக மீட்கப்பட்டுள்ளார். 

இவரது வீட்டிலிருந்து 100 மீற்றர் தொலைவிலுள்ள வீதியிலேயே இவரது சடலம் மீட்கப்பட்டுள்ளது.

மீட்கப்பட்ட சடலம், பிரேத பரிசோதனைகளுக்காக பருத்தித்துறை ஆதார வைத்தியசாலையில் வைக்கப்பட்டுள்ளதாக பொலிஸார் கூறினர்.