நீதிமன்ற தாக்குதல்; சந்தேகநபருக்கு விளக்கமறியல்

-சொர்ணகுமார் சொரூபன்

யாழ். நீதிமன்ற கட்டடத் தொகுதி தாக்குதல் மேற்கொண்டார் என்ற சந்தேகத்தில் கைது செய்யப்பட்டவரை எதிர்வரும் 26ஆம் திகதி வரை விளக்கமறியலில் வைக்குமாறு யாழ். நீதவான் நீதிமன்ற நீதவான் பொ.சிவகுமார் செவ்வாய்கிழமை (16) உத்தரவிட்டார்.

நீதிமன்ற கட்டடத்தின் மீது கடந்த மே மாதம் 20ஆம் திகதி தாக்குதல் மேற்கொண்டமை மற்றும் வளாகத்தில் நின்றிருந்த வாகனங்களை அடித்து சேதமாக்கியமை தொடர்பாக வீடியோ ஆதாரங்களை திரட்டிய கொழும்பிலிருந்து வருகை தந்திருந்த விசேட குற்றத்தடுப்புப் பிரிவினர் விசாரணைகளை மேற்கொண்டு வருகின்றனர்.

இதில் வீடியோ ஆதாரத்தில் காணப்பட்ட பிறவுண் வீதியைச் சேர்ந்த ஒருவரை விசேட குற்றத்தடுப்புப் பொலிஸார் திங்கட்கிழமை (15) மாலை கைது செய்தனர். கைது செய்யப்பட்டவர்கள் யாழ். நீதிமன்றத்தில் ஆஜர்ப்படுத்தப்பட்;டார்.