சட்டவிரோதமாக மின்சாரம் பெற்ற நால்வர் கைது

-செல்வநாயகம் கபிலன்

யாழ்.அச்சுவேலி பொலிஸ் நிலையத்துக்குட்பட்ட பகுதியில் சட்டவிரோதமான முறையில் மின்சாரம் பெற்ற நால்வர், நேற்று செவ்வாய்க்கிழமை (16) இரவு கைது செய்யப்பட்டுள்ளதாக அச்சுவேலி பொலிஸார் தெரிவித்தனர்.

இலங்கை மின்சார சபையின் கொழும்பிலிருந்து வருகை தந்த புலனாய்வாளர்களுடன் அச்சுவேலி பொலிஸார் இணைந்து நடத்திய சோதனை நடவடிக்கையில் இவர்கள் கைது செய்யப்பட்டனர்.

அச்சுவேலி நகரப்பகுதியில் மின்மானியின் ஓட்டத்தைக் கட்டுப்படுத்திய இருவரும் அச்சுவேலி – புன்னாலைக்கட்டுவன் வீதியில் திருட்டுத்தனமாக மின்சாரம் பெற்ற இருவருமே இவ்வாறு கைது செய்யப்பட்டுள்ளனர்.