யாழ். பாடசாலை மாணவர்களிடமிருந்து போதைப்பொருள் பாக்குகள் மீட்பு

-சொர்ணகுமார் சொரூபன்

யாழ்ப்பாணத்தில் அமைந்துள்ள பாடசாலையொன்றில் தரம் 7 இல் கல்வி கற்கும் 6 மாணவர்களிடமிருந்து போதைப் பொருள் பாக்குகள், வியாழக்கிழமை (18) கைப்பற்றப்பட்டுள்ளன.

தகவல் அறிந்து பாடசாலைக்குச் சென்ற மாவட்ட சிறுவர் நன்னடத்தை அதிகாரிகள் மற்றும் பொலிஸார் இணைந்து மாணவர்களிடமிருந்து குறித்த பாக்குகளை கைப்பற்றியுள்ளனர்.

பாக்குகள் எவ்வாறு மாணவர்களுக்கு கிடைத்தது. யார் விநியோகம் செய்தது என்பது தொடர்பில் குறித்த மாணவர்களிடம் விசாரணை மேற்கொண்டதாக அறியமுடிகின்றது.

இது தொடர்பில் கருத்துக்கூறுவதற்கு பாடசாலை நிர்வாகம் மறுப்புத் தெரிவித்துள்ளது.