தேவாலயத்தில் திருடியவர் கைது

-செல்வநாயகம் கபிலன்

இளவாலை சென். ஜேம்ஸ் தேவாலயத்தின் காணிக்கை உண்டியலை உடைத்து பணம் திருடிய மெய்கண்டான் பகுதியைச் சேர்ந்த 33 வயது சந்தேகநபரை புதன்கிழமை (24) இரவு கைது செய்ததாக இளவாலை பொலிஸார் தெரிவித்தனர்.

தேவாலயத்தில் திருடப்பட்டமை தொடர்பில் செய்த முறைப்பாட்டின் பிரகாரம் விசாரணை மேற்கொள்ளப்பட்டு சந்தேகநபர் கைது செய்யப்பட்டார்.

சந்தேகநபர் ஏற்கனவே வழிப்பறிக் கொள்ளையில் ஈடுபட்டவர் என்பது விசாரணையில் தெரியவந்துள்ளது.