கத்தோலிக்க திருமறைக் கல்வித் தேர்வுக்கான விண்ணப்பம் கோரல்

-எஸ்.குகன்

யாழ். மறைக்கல்வி நடுநிலையம் நடத்தும் பாடசாலை மாணவர்களுக்கான கத்தோலிக்க திருமறைக் கல்வித் தேர்வு – 2015க்கான  விண்ணப்பங்கள் கோரப்பட்டுள்ளது.

கத்தோலிக்க மாணவர்களின் மதம் சார்ந்த விழுமியங்கள் மற்றும் அறிவினைப் பெருக்கி ஆக்கத்தை உயர்த்தி சமுதாயத்துடன் இணைந்து வாழக்கூடிய நற்பிரஜைகளாக உருவாக்குவதற்கு ஏற்ற வகையில் இப்பரீட்சை தரம் 3 முதல் தரம் 11 வரையான மாணவர்களிடையே நடத்தப்படவுள்ளது.

இத்தேர்விற்குத் தோற்றவுள்ள மாணவர்கள் தமது விண்ணப்பங்களை எதிர்வரும் யூலை மாதம் 18 ஆம் திகதிக்கு முன் தமது பாடசாலை அதிபரூடாக யாழ் மறைக்கல்வி நடுநிலையத்திற்கு அனுப்பி வைக்குமாறு யாழ் மறைக்கல்வி நடுநிலையத்தினால் அறிவிக்கப்பட்டுள்ளது.