காணாமல் போனவர் சடலமாக மீட்பு

- செல்வநாயகம் கபிலன்

கடந்த 26 ஆம் திகதி காணாமற்போன ஆழியவளை கொடுக்கா பகுதியைச் சேர்ந்த கயிலாயபிள்ளை மகேந்திரன் (வயது 59) என்பவர் ஞாயிற்றுக்கிழமை (28) வளலாய் பகுதியிலுள்ள தோட்டக் கிணற்றிலிருந்து சடலமாக மீட்கப்பட்டதாக அச்சுவேலி பொலிஸார் தெரிவித்தனர்.

கடந்த 26 ஆம் திகதி வளலாய் கிழக்குப் பகுதியிலுள்ள மரண வீட்டுக்குச் சென்றிருந்த இவர், வீடு திரும்பவில்லை. இது தொடர்பில் உறவினர்கள் பருத்தித்துறை பொலிஸ் நிலையத்தில் முறைப்பாடு பதிவு செய்திருந்தனர்.

இந்நிலையிலேயே கிணற்றிலிருந்து இவர் சடலமாக மீட்கப்பட்டுள்ளார். சடலம் யாழ்.போதனா வைத்தியசாலையின் பிரேத அறையில் வைக்கப்பட்டுள்ளது.