பொலிஸாருக்கு சாராயம் விற்றவர் கைது

-செல்வநாயகம் கபிலன்

அச்செழு பகுதியில் சிவில் உடையில் சென்ற பொலிஸாருக்கு சாராயம் விற்பனை செய்த 50 வயதுடைய நபர் ஒருவரை ஞாயிற்றுக்கிழமை (05) இரவு கைது செய்துள்ளதாக அச்சுவேலி பொலிஸார் தெரிவித்தனர்.

180 மில்லிலீற்றர் கொள்ளளவு கொண்ட சாரயத்தினை சந்தேகநபர் 250 ரூபாவுக்கு விற்பனை செய்ய முற்பட்டபோது சந்தேகநபரை கைது பொலிஸார் கைது செய்திருந்தனர்.

சந்தேக நபருக்கு எதிராக எதிர்வரும் 9ஆம் திகதி மல்லாகம் நீதவான் நீதிமன்றில் வழக்கு தாக்கல் செய்ய பொலிஸார் நடவடிக்கை எடுத்துள்ளனர்.