சட்டவிரோதமான முறையில் மின்சாரம் பெற்ற மூவருக்கு அபராதம்

செல்வநாயகம் கபிலன்

மானிப்பாய் பொலிஸ் பிரிவில் சட்டவிரோதமான முறையில் மின்சாரம் பெற்ற மூவருக்கு தலா 10,000 ரூபாய் அபராதம் விதித்து மல்லாகம் நீதவான் நீதிமன்ற நீதவான் கறுப்பையா ஜீவராணி திங்கட்கிழமை (06) தீர்ப்பளித்தார்.

கடந்த வாரம் மானிப்பாய் பொலிஸாரும், மின்சார சபையின் அதிகாரிகளும் இணைந்து நடத்திய திடீர் நடவடிக்கையின் போது சுதுமலை கட்டுடை பகுதியில் சட்டவிரோத மின்சாரம் பெற்ற மூவரை பொலிஸார் கைது செய்திருந்தனர்.

குறித்த மூவருக்கும் எதிராக திங்கட்கிழமை (06) மல்லாகம் நீதவான் நீதிமன்றில் மின்சார சபை அதிகாரிகள் வழக்கு தாக்கல் செய்தனர். சந்தேகநபர்கள் தங்கள் குற்றங்களை ஒப்புக் கொண்டதையடுத்து நீதவான் தலா 10,000 ரூபாய் அபராதம் விதித்தார்.