பொலிஸாருக்கே மதுபானம் விற்றவர் கைது

-செல்வநாயகம் கபிலன்

யாழ்ப்பாணம், காங்கேசன்துறை வீதியில் சட்டவிரோதமான முறையில் மதுபானங்களை கடையில் வைத்து விற்பனை செய்த ஒருவரை செவ்வாய்க்கிழமை(07) கைது செய்ததாக யாழ்ப்பாணம் பொலிஸார் புதன்கிழமை (08) தெரிவித்தனர்.

பொலிஸாருக்கு கிடைத்த இரகசிய தகவலை அடுத்து, குறித்த கடைக்கு சிவில் உரையில் சென்ற  பொலிஸார் மதுபானத்தை கொள்வனவு செய்வது போல், பாசாங்கு செய்து, சந்தேகநபரை கைது செய்துள்ளனர்.

மேலும், சந்தேகநபரிடமிருந்து 180 மில்லிலீற்றர் கொள்ளளவு கொண்ட 15 மதுபான போத்தல்களையும் பொலிஸார் பறிமுதல் செய்துள்ளனர்.