தகவல் தெரிந்தால் அறிவிக்குமாறு பொலிஸார் கோரிக்கை

-நா.நவரத்தினராசா

கடந்த ஒரு வருடத்துக்கு முன்பு காணாமற்போன உடுவில் - மானிப்பாய் வீதியைச் சேர்ந்த பிறேம்குமார் நிந்துஜன் (வயது 30), மற்றும் அவருடைய மகன் நிந்துஜன் தரணிகன் (வயது 03) ஆகியோரின் தகவல்களை தந்துதவுமாறு சுன்னாகம் பொலிஸார் கோரியுள்ளனர்.

மல்லாகம் நீதிமன்றத்தால் புதன்கிழமை (08) பிறப்பிக்கப்பட்ட கட்டளையின் பிரகாரம் தகவலை கோரியுள்ளதாக சுன்னாகம் பொலிஸார் கூறினர்.

இவர்கள் காணாமற்போனமை தொடர்பில் குடும்பஸ்தரின் மனைவி, சுன்னாகம் பொலிஸ் நிலையத்தில் முறைப்பாடு பதிவு செய்துள்ளதாகவும் இதுவரையில் அவர்கள் தொடர்பிலான எந்தவொரு தகவலும் கிடைக்கப்பெறவில்லையெனவும் பொலிஸார் தெரிவித்தனர்.

தகவல் தெரிந்தவர்கள் 021 2240323 என்ன தொலைபேசி இலக்கம் அல்லது பொறுப்பதிகாரியின் 0774673943 என்ற அலைபேசி இலக்கத்துடன் தொடர்பு கொள்ளும்படி பொலிஸார் கோரியுள்ளனர்.