49 சி.சி வகை மோட்டார் சைக்கிள் பதிவுக்கான காலஎல்லையை நீடிக்க கோரிக்கை

(கவிசுகி)

யாழ். மாவட்டத்தில் 49 சி.சி வகை மோட்டார் சைக்கிள்களை பதிவு செய்வதற்கான காலஎல்லையை நீடிக்குமாறு மோட்டார் போக்குவரத்து ஆணையாளரிடம், அதன் பாவனையாளர்கள்  வேண்டுகோள் விடுத்துள்ளனர்.

இத்தகைய மோட்டார் சைக்கிள்களை பதிவு செய்வதற்கான இறுதித்திகதி  கடந்த டிசம்பர் மாதம் 31ஆம் திகதியென மோட்டார் போக்குவரத்துத் திணைக்களம் அறிவித்திருந்தது.

யாழ்ப்பாணத்தில் 49 சி.சி வகை மோட்டார் சைக்கிள்களைக் கொள்வனவு செய்தவர்களுக்கான வாகனப்பதிவு ஆவணம், விற்பனை செய்யும் முகவர்களால் உடனடியாக வழங்கப்படுவதில்லையென்றும் அந்த வாகனப் பதிவு ஆவணங்களைப் பெறுவதற்கு தாம் மாதக்கணக்கில் குறித்த முகவர் நிலையங்களுக்கு அலைந்து திரிய வேண்டியுள்ளதாகவும் பாவனையாளர்கள் தெரிவிக்கின்றனர்.