6 கிலோ கஞ்சா மீட்பு : இருவர் கைது

டி.விஜிதா

யாழ்.மிருசுவில் ரயில் நிலையத்தில் 6 கிலோகிராம் கஞ்சா பொதி மீட்கப்பட்டுள்ளதுடன் சந்தேகநபர்கள் இருவர் இன்று (17) கைது செய்யப்பட்டுள்ளனர் என கொடிகாமம் பொலிஸார் தெரிவித்தனர்.

பொலிஸாருக்கு கிடைத்த தகவலின் அடிப்படையில் மேற்கொள்ளப்பட்ட சோதனை நடவடிக்கையின்போதே குறித்த கஞ்சா பொதி மீட்கப்பட்டுள்ளதுடன் இரு சந்தேக நபர்கள் கைது செய்யப்பட்டுள்ளனர்.

மேலதிக விசாரணைகளை பொலிஸார் மேற்கொண்டு வருகின்றனர்.