அகழ்வில் முழுமையான எலும்புக்கூடு

மன்னார் நகர நுழைவாயிலில் உள்ள விற்பனை நிலைய வளாகத்தில் மேற்கொள்ளப்படுகின்ற மனித எலும்பு கூடுகள் தொடர்பான அகழ்வு பணியில், நேற்று (12) மாலை முழுமையான மனித எலும்புக்கூடு, மண்டையோடுகள் மீட்கப்பட்டமையால் அப்பகுதியில் பதற்றமான நிலை காணப்பட்டது.

எனினும் அங்கு கூடிய மக்களை பொலிஸார் வெளியேற்றி நிலைமையை கட்டுக்குள் கொண்டு வந்தனர்.

மனித  எலும்பு அகழ்வு பணிகள் நேற்று (12) 12 ஆவது நாளாக மன்னார் நீதவான் ஏ.ஜீ.அலெக்ஸ்ராஜா முன்னிலையில் இடம்பெறுகின்ற நிலையில் நேற்று (12) மாலை முழுமையான மனித எலும்புக்கூடு மற்றும் மண்டையோடுகள் என்பன மீட்கப்பட்டிருந்தன.

இதனால் சிறிது நேரம் அப்பகுதியில் பதற்ற நிலை ஏற்பட்டிருந்தது.