அத்துமீறிய இந்திய மீனவர்கள் ஐவர் கைது

 -செல்வநாயகம் கபிலன்

இலங்கை கடற்பரப்புக்குள் அத்துமீறி நுழைந்து,  மீன்பிடியில் ஈடுபட்ட குற்றச்சாட்டில், நெடுந்தீவுக்கு கடற்பரப்பில் வைத்து,  5 இந்திய மீனவர்களை புதன்கிழமை கைதுசெய்துள்ளதாக காங்கேசன்துறை கடற்படையினர் தெரிவித்தார்.

இராமேஸ்வரம் பகுதியிலிருந்து விசைப் படகில் வந்து மீன்பிடித்துக்கொண்டிருந்த மீனவர்களே, ரோந்துப் பணியில் ஈடுபட்டிருந்த கடற்படையினரால் கைது செய்யப்பட்டுள்ளனர்.

விசாரணைகளின் பின்னர், மீனவர்களை யாழ்ப்பாணம் கடற்றொழில் நீரியல் வளத்துறை அதிகாரிகளிடம் ஒப்படைக்க நடவடிக்கை எடுத்துள்ளதாக கடற்படையினர் கூறினார்.