அத்துமீறிய இந்திய மீனவர்கள் கைது

இலங்கை கடலில் அத்துமீறி மீன்பிடியில் ஈடுபட்ட குற்றச்சாட்டில் பருத்தித்துறைக்கு அண்மித்த கடற்பகுதியில் வைத்து இந்திய மீனவர்கள் 9 பேர்,  இலங்கை கடற்படையினரால் இன்று புதன்கிழமை (14) அதிகாலை கைது செய்யப்பட்டுள்ளதாக யாழ்ப்பாண கடற்றொழில் நீரியல் வளத்துறைத் திணைக்கள அதிகாரியொருவர் தெரிவித்தார்.

நாகப்பட்டினம், நாகை மாவட்டத்திலிருந்து வந்து, மீன்பிடியில் ஈடுபட்ட 9 மீனவர்களே இவ்வாறு கைது செய்யப்பட்டுள்ளனர்.

இவர்களை, கடற்படையினரிடமிருந்து பொறுப்பேற்று நீதிமன்றத்தில் ஆஜர்ப்படுத்துவதற்கான நடவடிக்கைகளை மேற்கொண்டு வருவதாகவும் இந்த அதிகாரி கூறினார்.