ஆணின் சடலம் மீட்பு

வல்வெட்டித்துறை மயிலியதனை பகுதியில் ஆண் ஒருவரின் சடலம் இன்று (06) காலை மீட்கப்பட்டுள்ளதாக வல்வெட்டித்துறை பொலிஸார் தெரிவித்தனர்.

மயிலியதனை பகுதியைச்சேர்ந்த தவராஜசிங்கம் அனுசாந்தன் (வயது 31) என்பவரே இவ்வாறு உயிரிழந்துள்ளார்.

இரவு வழமைபோல், உணவு உண்டுவிட்டு படுக்கைக்குச் சென்றவர், காலை எழுந்திருக்கவில்லை. உறவினர்கள் எழுப்பியபோது, உயிரிழந்தமை தெரியவந்துள்ளது.

இதனையடுத்து, உறவினர்கள் பொலிஸாருக்கு வழங்கிய தகவலையடுத்து பொலிஸார் சடலத்தை மீட்டுள்ளனர்.

சடலம், உடற்கூற்று பரிசோதனைக்காக பருத்தித்துறை ஆதார வைத்தியசாலையின் பிரேத அறையில் வைக்கப்பட்டுள்ளது. மேலதிக விசாரணைகளை வல்வெட்டித்துறை பொலிஸார் மேற்கொண்டு வருகின்றனர்.