’ஆவா’ அட்டகாசம்; சிறுவன் உட்பட இருவர் காயம்

-ரொமேஸ் மதுசங்க

யாழ்ப்பாணம் - சுன்னாகம் மற்றும் கொக்குவில் ஆகிய பிரதேசங்களில், நேற்று (03) இரவு, ஆவா குழுவினரின் வாள் வெட்டுக்கு இலக்காகி, 15 வயது சிறுவன் உட்பட இருவர் காயமடைந்துள்ளனர்.

சுன்னாகம் பகுதியில் உள்ள தனுரொக் குழுவின் உறுப்பினர் ஒருவருடைய வீடொன்றுக்குள் புகுந்த ஆவாக் குழுவினர், அங்கிருந்தவர்கள் மீது மேற்கொண்ட தாக்குதலில், வீட்டில் இருந்த 15 வயது சிறுவன் வாள்வெட்டுக் காயங்களுக்குள்ளானார்.

இதேவேளை, கொக்குவில் பகுதியில், வீதியில் நடந்துச் சென்ற 23 வயது இளைஞன் மீது, ஆவாக் குழுவினர் வாள்வெட்டு மேற்கொண்டுவிட்டுத் தப்பிச் சென்றுள்ளனர்.

மோட்டார் சைக்கிளொன்றில் வந்த மூவரே, இந்தத் தாக்குதல் சம்பவத்தை மேற்கொண்டுள்ளதாக தெரிவிக்கப்படுகின்றது.