இணையத்தளம் அங்குரார்ப்பணம்

-எஸ்.நிதர்சன்

வடக்கு மாகாணத்திலும்,  மோட்டார் போக்குவரத்து திணைக்களத்திடமிருந்து, வாகன வருமானவரி பத்திரத்தை இணையம் மூலமாக பெற்றுக்கொள்ளும் செயற்திட்டத்தின் அங்குரார்ப்பண நிகழ்வு, யாழ் நூலக மாநாடு மண்டபத்தில் திங்கட்கிழமை  இடம்பெற்றது.

வடக்கு மாகாண மீன்பிடி போக்குவரத்து அமைச்சின் செயலாளர் எஸ்.சத்தியசீலன் தலைமையில் இடம்பெற்ற குறித்த அங்குரார்ப்பண நிகழ்வில், வடக்கு போக்குவரத்து அமைச்சர் பா.டெனிஸ்வரன் கலந்துகொண்டார்.

இணையதளத்தை உத்தியோகபூர்வமாக ஆரம்பித்து வைத்த அவர், இணையம் மூலமான முதலாவது வாகன வரி அனுமதிப்பத்திரத்தை வழங்கியும் வைத்தார்.

நிகழ்வில் வடக்கு மாகாணசபையின் உறுப்பினர்கள், அமைச்சின் உயர்மட்ட அதிகாரிகள், பிரதேச செயலாளர்கள் என பலரும் கலந்துகொண்டனர்.