இந்திய மீனவர்கள் எழுவரது விளக்கமறியல் நீடிப்பு

செல்வநாயகம் கபிலன்

இலங்கைக் கடற்பரப்பினுள் அத்துமீறி நுழைந்து மீன்பிடித்த குற்றச்சாட்டில் கைதான இந்திய மீனவர்கள் ஏழுவரையும் எதிர்வரும் 17ஆம் திகதி வரை விளக்கமறியலில் வைக்குமாறு ஊர்காவற்துறை நீதவான் நீதிமன்ற நீதவான் ஏ.எம்.எம்.றியால், செவ்வாய்க்கிழமை (03) உத்தரவிட்டார்.

கடந்த டிசெம்பர் மாதம் 19ஆம் திகதி, நெடுந்தீவுக் கடற்பரப்பில் அத்துமீறி நுழைந்து மீன்பிடித்த 7 மீனவர்கள் இரண்டு விசைப்படகுடன் கைதுசெய்யப்பட்டிருந்தனர்.

யாழ்ப்பாணம் சிறைச்சாலையில் விளக்கமறியலில் வைக்கப்பட்டுள்ள குறித்த மீனவர்களின் வழக்கு, இன்று  (03) மீண்டும் விசாரணைக்கு எடுத்துகொள்ளப்பட்டது.

மீனவர்களை விடுவிப்பதற்குரிய பரிந்துரை சட்டமா அதிபர் திணைக்களத்தில் இருந்து கிடைக்பெறாததன் காரணத்தினால் விளக்கமறியலில் உள்ள மீனவர்களின் விளக்கமறியலை மேலும் நீடித்து நீதவான் உத்தரவிட்டார்.