இந்திய மீனவர்கள் நால்வர் கைது

-செல்வநாயகம் கபிலன்

நெடுந்தீவுக்கு அண்மிய கடற்பரப்பில்  செவ்வாய்க்கிழமை (05) அதிகாலை,  அத்துமீறி நுழைந்து மீன்பிடியில் ஈடுபட்ட குற்றச்சாட்டில் 4 மீனவர்கள் கைது செய்யப்பட்டுள்ளதாக யாழ்ப்பாணம் கடற்றொழில் நீரியல் வளத்துறை திணைக்கள அதிகாரியொருவர் தெரிவித்தார்.

இந்திய, இராமேஸ்வரம் பகுதியைச் சேர்ந்த இந்த மீனவர்கள், படகொன்றில் எல்லை மீறி மீன்பிடித்துக் கொண்டிருக்கும் போதே இலங்கை கடற்படையினரால் கைது செய்யப்பட்டுள்ளனர்.

கைதுசெய்யப்பட்ட மீனவர்களை கடற்படையினரிடமிருந்து பொறுப்பேற்று நீதிமன்றத்தில் ஆஜர்ப்படுத்தவுள்ளதாக அவர் மேலும் தெரிவித்தார்.